Í tilefni að 30 ára afmæli Star Wars, þá verða gefin út sérstök frímerki til að heiðra kvikmyndirnar þann 25. maí. Frímerkin verða gefin út á Star Wars Celebration IV, einni stærstu Star Wars hátíðarhöldum í heiminum sem haldin eru i Los Angeles Convention Center.

Alls verða gefin út fimmtán Star Wars frímerki. Frímerkin verða með myndefni úr öllum Star Wars myndunum. Þar á meðal eru frímerki með Luke Skywalker, Han Solo og Chewbacca, Amidala, Millennium Falcon og fleiri persónum úr myndunum.

Hægt er að sjá öll frímerkin á vefnum http://www.uspsjedimaster.com/main/vote/view_stamps.html og greiða atkvæði um það frímerki sem þér finnst vera best.